Toshkent shahrining Shayxontohur tumanidagi Abay hamda Sebzor ko‘chalarini bog‘lab turuvchi yo‘l noma’lum muddatga yopib qo‘yildi. Bu haqda “Uz24.uz”ga asoslanib “Kun.uz” xabar bermoqda.
Yo‘l 29-dekabr, dushanba kuni tongda, soat 4:30 da A. Qodiriy ko‘chasidagi ta’mirlash ishlari tufayli yopib qo‘yilgan. Ta’mirlash ishlarining qachon tugashi ma’lum emas.
Hozirda yo‘lning bu hududida Shayxontohur va Yunusobod tumanini bog‘laydigan ko‘prik qurilishi davom etmoqda. Yangi ko‘prik avtomobil tirbandligi muammosini hal qilishi, shuningdek, avtomobil va piyodalar uchun yo‘l harakatini qulaylashtirish imkonini yaratishi ko‘zda tutilgan.
Izoh (0)