AQSh, Xitoy va Hindiston semiz aholi soni bo‘yicha jahonda yetakchilik qilayotgani ma’lum bo‘ldi

Tanadagi ortiqcha yog‘ miqdoriga ega odamlar soni 1980-yildagi 857 milliondan 2013-yilda 2 milliarddan oshib ketdi, deb xabar bermoqda “Vestifinance.ru”.

Global Burden of Disease taqdqiqoti aholi tarkibidagi semiz insonlar soni bo‘yicha yetakchilik qilayotgan 10 mamlakat ro‘yxatini e’lon qildi. Bu borada 78 million semiz aholiga ega AQSh (umumiy aholining 33 foizi), 46 million semiz aholi bilan Xitoy (4,4 foiz) va 30 million semiz aholiga ega Hindiston (3,8 foiz) yetakchilik qilmoqda.

Bundan tashqari, Rossiyada 28 million (24,1 foiz), Braziliyada 22 million (16,2 foiz), Meksikada 20 million (26,9 foiz), Misrda 18 million (35,9 foiz), Germaniyada 16 million (24,3 foiz), Pokistonda 14 million (13,6 foiz), Indoneziyada 11 million (6,8 foiz) aholi tanasida ortiqcha yog‘ miqdori bilan yashayotgani qayd etilgan.