KXDR hukumati AQShning Fergyuson shahrida sodir bo‘lgan tartibsizliklar Vashington tomonidan inson huquqlari qo‘pol ravishda buzilganidan darak berishini aytdi. Bu haqda Shimoliy Koreya rasmiy OAVlariga tayanib, Interfax xabar berdi.
KXDR tashqi ishlar vazirligi vakili bayonot berishicha, Fergyusondagi voqealar “AQShning asl yuzini — inson huquqlari buziladigan va irqiy diskriminatsiya amalga oshiriladigan jahannamni ko‘rsatdi”. U ushbu tartibsizliklar AQShdagi inson huquqlari muhofazasi jiddiy muammolarga uchraganini ko‘rsatib berganini ta’kidladi.
Eslatib o‘tamiz, avgust oyida 18 yoshli qoratanli o‘smirni otib qo‘ygani uchun qamoqqa olingan politsiyachi Darren Uilsonning oqlangani 25-noyabr kuni ertalab AQShning Missuri shtati Sent-Luis sudi prokurori Bob Makkalok tomonidan ma’lum qilindi. Hukmdan norozi bo‘lganlar 38 ta shtatda tartibsizliklarni yuzaga keltirdi.
Izoh (0)