Россия фавқулодда вазиятлар вазирлиги Донбасс учун гуманитар ёрдам ортилган автомобиллар колоннасини тузди. Бу ҳақда ФВВ вакили Олег Вороновга таяниб, «Сегодня» хабар берди.
«Колонна таркибида 100 дан ортиқ автомобиль бор, улар Донбассга 1200 тонна гуманитар ёрдам етказади», — деди Воронов.
Унинг айтишича, юкнинг асосий қисмини шиша ва томга ёпиладиган материаллар, шунингдек озиқ-овқат маҳсулотлари ташкил этади. Воронов юкнинг Донецк ва Луганск ҳукуматлари буюртмаларига кўра шакллантирилганини таъкидлади.
Ўз навбатида Украина гуманитар юклар халқаро амалиётга мувофиқ равишда етказилиши ва тарқатилишини, бу иш билан Қизил Хоч Халқаро қўмитаси шуғулланишини талаб қилмоқда.
Изоҳ (0)