Londonning “Arsenal” klubi Dortmundning “Borussiya” klubi ustidan 2:0 hisobida g‘alabaga erishgach, guruhdan chiqish vazifasini amalda bajardi, deb xabar bermoqda “Uff.uz”.
Shu tariqa “to‘pchilar” qatorasiga 15-bora Yevropa Chempionlar ligasi guruh bosqichidan o‘tishga muvaffaq bo‘ldi. Bu natijaning barchasiga bosh murabbiy Arsen Venger qo‘l ostida erishilgan.
Shu bilan birga “to‘pchilar” faqat bir marta − 2005/06 yilgi mavsumda Yevropa Chempionlar ligasi finaliga chiqishgan va “Barselona”ga 1:2 hisobida imkoniyatni boy berishgan.
Eslatib o‘tamiz, Arsen Venger 1996-yildan buyon “Arsenal” boshqaruvida ishlab kelmoqda.
Izoh (0)