ParaOsiyo o‘yinlarining o‘zbekistonlik g‘olib va sovrindorlari Osiyo o‘yinlari medallari sohiblari bilan bir xil miqdorda pul mukofotlariga ega bo‘ladi. Tegishli qaror O‘zbekistonda paralimpiya sportini rivojlantirish, shuningdek ParaOsiyo g‘olib va sovrindorlarini rag‘batlantirish maqsadida 27-oktabr kuni Prezident Islom Karimov tomonidan imzolandi, deb yozadi Gazeta.uz.
Davlat rahbarining 2006-yil 20-dekabrdagi farmoniga kiritilgan o‘zgartirishlarga ko‘ra, Osiyo va ParaOsiyo o‘yinlari g‘olib va sovrindorlari oltin medal uchun 5000 dollar, kumush medal uchun 3000 dollar, bronza medal uchun esa 2000 dollar pul mukofotlarini qo‘lga kiritadi.
Nashrning eslatishicha, 18—24-oktabr kunlari Janubiy Koreyaning Incheon shahrida bo‘lib o‘tgan II ParaOsiyo o‘yinlarida O‘zbekiston sportchilari 22 ta oltin, 5 ta kumush va 4 ta bronza medalga ega bo‘lgan edi. Prezident qarori bilan musobaqaning g‘olib va sovrindorlari pul mukofoti bilan taqdirlangan edi.
Izoh (0)