San-Marinoning futbol bo‘yicha terma jamoasi Yevropa — 2016 chempionati saralash bosqichi doirasida Estoniya bilan bahs olib bordi. Unda durang natija (0:0) qayd etildi va san-marinoliklarning 61 ta mag‘lubiyatdan iborat ketma-ketligiga nuqta qo‘yildi. Bu haqda “Sport-Ekspress” xabar bermoqda.
Estoniyaliklar bilan o‘yinda erishilgan durang natija sharofati bilan San-Marino fubolchilari 1988-yilda FIFA va UEFAga qo‘shilganidan buyon birinchi marta rasmiy uchrashuvlarda ochkoga ega bo‘ldi. Ushbu terma jamoa tarixdagi yagona g‘alabasini 2004-yilda Lixtenshteyn bilan (1:0) bo‘lgan o‘yinda qo‘lga kiritgan edi.
FIFAning oktabr oyidagi milliy termalar reytingida San-Marino eng past ko‘rsatkich bilan so‘nggi o‘rinni egallagan. San-marinolik o‘yinchilaring ko‘pchiligi professional malakaga ega emas va yashash uchun futbol orqali pul topmaydi.
Izoh (0)