“Barselona” hujumchisi Lionel Messi “Apoel”ga (4:0) qarshi Yevropa Chempionlar ligasi guruh bosqichi uchrashuvida 3 ta gol kiritdi, deb xabar bermoqda “Uff.uz”.
Birinchi gol argentinalik futbolchi uchun Yevropa Chempionlar ligasi tarixidagi 72-gol bo‘ldi. Shu bilan, u Raulning (71 ta gol) rekordini yangiladi va to‘purarlar ro‘yxatida yaqqol birinchi o‘ringa ko‘tarildi. Ikkinchi bo‘limda ham Messi o‘zining 73 va 74-gollarini urdi.
Aytish joizki, “Real” hujumchisi Krishtianu Ronaldu hisobida 70 ta gol bor. 26-noyabr kuni “Qirollik klubi” “Bazel”ga qarshi to‘p suradi.
Eslatib o‘tamiz, Messi Telmo Sarraning ham Ispaniya yuqori dvizionida o‘rnatgan rekordini “Sevilya”ga (5:1) qarshi o‘yindagi xet-trigi bilan yangilagan edi.
Izoh (0)