O‘zbekistondagi ilk mahalliy raqamli bank ANORBANK mijozlarga xizmat ko‘rsatishni rivojlantirish bo‘yicha yangi loyihalarni muntazam ravishda amalga oshirib kelmoqda. Xususan, aholiga qulaylik yaratish maqsadida bank respublika bo‘ylab barcha savdo ofislarini yangiladi. ANORBANK vakillari mijozlar hududiy savdo ofislarida qanday xizmatlardan foydalanishlari mumkinligi haqida so‘zlab berishdi.
O‘zbekistondagi ilk mahalliy raqamli tijorat banki ANORBANK 2020-yilning 22-avgust kuni o‘z faoliyatini amalga oshirish uchun litsenziyaga ega bo‘lgan va sentabr oyidan onlayn xizmat ko‘rsatishni boshlagan. O‘tgan uch yarim yil davomida bank ko‘plab kompaniyalar va firmalar hamda jismoniy shaxslardan tarkib topgan kuchli mijozlar bazasini yaratdi.
ANORBANK konsepsiyasining o‘ziga xosligi shundaki, u butunlay raqamli bank bo‘lib, uning xizmatlaridan onlayn tarzda bankning veb-sayti, mobil ilovasi yoki tunu kun xizmat ko‘rsatuvchi aloqa markaziga murojaat qilish orqali foydalanish mumkin. Bank xizmatlaridan an’anaviy oflayn tarzda foydalanishni ma’qul ko‘ruvchi mijozlarga qulaylik yaratish maqsadida ANORBANK O‘zbekiston bo‘ylab yangilangan savdo ofislarini taklif etmoqda.
Bugungi kunda ANORBANKning Toshkent shahrida bosh ofisi, O‘zbekistonning qolgan yirik shaharlarida 14 ta savdo ofislari faoliyat yuritmoqda. U yerda mijozlar bank mutaxassislaridan kerakli oflayn maslahat olishlari mumkin. Savdo ofislari jismoniy shaxslar uchun to‘lov kartalari, pul o‘tkazmalari, xizmatlar uchun to‘lovlar, valyuta ayirboshlash, omonatlar, turli xildagi kreditlar, shuningdek, yuridik shaxslar uchun hisob raqami ochish va korporativ mijozlarga xizmat ko‘rsatish, kassa operatsiyalarini amalga oshirish, bo‘lib to‘lash, keshbek hamda elektron tijorat dasturlari doirasida hamkorlik shartnomalarini tuzish kabi bank xizmatlarini taklif etadi.
Ta’kidlash joizki, savdo ofislaridan tashqari hududlar bo‘ylab bankning savdo shaxobchalari ham mavjud bo‘lib, u yerda mijozlar haftaning istalgan kunida bank kartasini ochish, mikroqarz yoki bo‘lib to‘lash xizmati uchun ariza to‘ldirishlari, qolaversa ma’lumotlarni o‘zgartirish xizmatidan foydalanishlari mumkin.
Jismoniy shaxslar uchun bank kartalarini yetkazib berish xizmati dam olish kunlari ham amalga oshiriladi, shuningdek mijozlar mutaxassislardan oflayn maslahat olish uchun istalgan kun ANORBANKning hududiy savdo ofislariga ham murojaat qilishlari mumkin.
Hududiy savdo ofislarining aniq manzillari bilan ANORBANK rasmiy saytida tanishish mumkin.
ANORBANKning zamonaviy hamda foydali mahsulotlari va xizmatlari haqida bankning saytida, mobil ilovasida, shuningdek ijtimoiy tarmoqlardagi sahifalarida batafsil ma’lumot taqdim etilgan:
- www.anorbank.uz
- Telegram/anorbank
- Instagram.com/anorbank
- Facebook.com/anorbank
- Aloqa markazi: 1290
Reklama huquqi asosida
Izoh (0)