Ishlab chiqarish faoliyati bilan shug‘ullanuvchi 65 204 ta yuridik shaxs tomonidan 2024-yilning yanvar-mart oylarida 8,6 trln so‘mdan ziyod soliq to‘langan. Bu haqda Soliq qo‘mitasi matbuot xizmati xabar berdi.
Shundan 3,4 trln so‘mi 20 ta soliq to‘lovchi hisobiga to‘g‘ri keladi.
Ularning tovar aylanmasi qariyb 39,3 trln so‘m, qo‘llagan soliq imtiyozlari miqdori esa 425,5 mlrd so‘mdan oshgan.
Ushbu soliq to‘lovchilar tomonidan taʼminlangan tushumlar soliq turlari kesimida:
- aksiz solig‘i - 1 trln so‘m;
- QQS - 967,9 mlrd so‘m;
- yer qaʼridan foydalanganlik uchun soliq - 574 mlrd so‘m;
- ijtimoiy soliq - 224,6 mlrd so‘m;
- foyda solig‘i - 220,4 mlrd so‘m;
- JSHODS - 206,4 mlrd so‘m;
- mol-mulk solig‘i - 136,5 mlrd so‘m;
- boshqa soliqlar - 121,6 mlrd so‘m.
Izoh (0)