O‘zbekiston terma jamoasi va “Krasnodar” klubi a’zosi Odil Ahmedov bugun, 25-noyabr kuni o‘zining 27 yoshini nishonlamoqda, deb xabar beradi “Sports.uz”.
Odil Ahmedov Namanganda tug‘ilib o‘sgan. U professional futbolchilik faoliyatini Toshkentning “Paxtakor” jamoasida boshlagan va “sherlar” safida ikki bor (2009, 2011) milliy chempionatning “eng yaxshi futbolchisi” deya e’tirof etilgan.
Ahmedov 2011-yil Maxachqal’aning “Anji” jamoasi safiga qo‘shilib, Rossiya chempionatida to‘p sura boshladi. Bu yerda xavbek 100 ga yaqin uchrashuv o‘tkazib, mahalliy muxlislarning sevimli futbolchilaridan biriga aylandi. Shu yilning iyun oyidan hozirga qadar Odil Ahmedov “Krasnodar” jamoasida faoliyat olib bormoqda.
Eslatib o‘tamiz, avvalroq Osiyo Futbol Konfederatsiyasi rasmiy sayti O‘zbekiston terma jamoasi safida 69 uchrashuv o‘tkazib, 11 golga mualliflik qilgan Odil Ahmedovni yoshiga nisbatan tajribali ekanligini qayd etgani haqida xabar berilgan edi.
Izoh (0)