Namanganda valyutafurushlik qilgan uch kishiga jinoyat ishi qo‘zg‘atildi. Bu haqda Davlat xavfsizlik xizmati xabar berdi.
-hEzgHKN-.avif)
Ma’lum qilinishicha, Namangan viloyati “Kosonsoy tuman yo‘llardan foydalanish” unitar korxonasi ishchisi o‘zganing ishonchiga kirib, go‘yoki o‘zida qalbaki 20 ming AQSH dollari borligini va uni haqiqiy 14 ming AQSH dollariga sotishini aytgan.
Davlat xavfsizlik xizmati va Iqtisodiy jinoyatlarga qarshi kurashish departamenti xodimlari hamkorligida o‘tkazilgan tezkor tadbirda, unitar korxona ishchisi o‘zaro kelishuv doirasida xaridorga qalbaki 8 ming AQSH dollarini bergan vaqtida ashyoviy dalillar bilan ushlangan.
Shuningdek, u mazkur qalbaki xorijiy valyutani Kosonsoy tumanida yashovchi, 1985-yilda tug‘ilgan shaxsdan olgani aniqlanib, ushbu fuqarodan ham yuqoridagi kelishuv doirasidagi soxta 6 ming AQSH dollari protsessual tartibda rasmiylashtirib olingan.
Tergovga qadar tekshiruv davomida, 1985-yilda tug‘ilgan shaxs ushbu qalbaki valyutalarni Kosonsoy tumanida istiqomat qiluvchi, 1992-yilda tug‘ilgan fuqarodan olgani aniqlanib, u ham protsessual tartibda ushlangan.
Holat yuzasidan qonunbuzarlarga nisbatan Jinoyat kodeksining 176-moddasi 3-qismi “a” bandi bilan jinoyat ishi qo‘zg‘atilib, qamoq ehtiyot chorasi qo‘llandi. Hozirda dastlabki tergov harakatlari olib borilmoqda.
Jinoyat kodeksining 176-moddasi 3-qismi “a” bandiga ko‘ra, juda ko‘p miqdorda qalbaki pullarni o‘tkazish 10 yildan 15 yilgacha ozodlikdan mahrum qilish bilan jazolanadi.
21-iyun kuni Sirdaryoda qalbaki 1 600 dollarni sotayotgan shaxslar qo‘lga olingani xabar qilingandi. Jizzax viloyatida qalbaki 51 000 AQSH dollarini o‘tkazmoqchi bo‘lgan shaxslar ushlangandi.
Izoh (0)