Apple peyjer ishlab chiqaruvchi kompaniya texnologiyasini o‘g‘irlagani uchun 23,6 million dollarlik jarimaga tortildi

AQShning Texas shtati sharqiy okrugi federal sudi Apple kompaniyasiga Mobile Telecommunication Technologies (MTT) kompaniyasi patentlarini buzganligi uchun 23,6 million dollar to‘lash majburiyatini yukladi. Bu haqda “Rossiyskaya gazeta” xabar bermoqda.

Texas firmasi Apple ustidan o‘tgan yildayoq sudga murojaat qilgan edi. MTT o‘z shikoyatida Apple’ning ikki tomonlama ma’lumot almashishni tartibga soluvchi bir nechta patentlarini buzganini ta’kidlagan. MTT da’volari xabarlar, emoji smayliklari va taqvimdagi voqealar bilan bo‘lishish imkonini beruvchi iPhone, iPad va iPod Touch’ga nisbatan ilgari surildi.

Olti soatlik muhokamadan so‘ng sud maslahatchilari Apple kompaniyasi haqiqatan ham bir yo‘la beshta patentni buzgan, degan xulosaga keldi. Apple advokatlari smayliklar bilan bo‘lishish huquqini kompaniyada qoldirib, tovon pulini 10 marta arzonlashtirishga erishdi (Texas kompaniyasi dastlab har bitta qurilma uchun 1 dollardan jami 237,2 million dollar talab qilgan edi).