АҚШнинг Техас штати шарқий округи федерал суди Apple компаниясига Mobile Telecommunication Technologies (МТТ) компанияси патентларини бузганлиги учун 23,6 миллион доллар тўлаш мажбуриятини юклади. Бу ҳақда «Российская газета» хабар бермоқда.
Техас фирмаси Apple устидан ўтган йилдаёқ судга мурожаат қилган эди. МТТ ўз шикоятида Apple’нинг икки томонлама маълумот алмашишни тартибга солувчи бир нечта патентларини бузганини таъкидлаган. МТТ даъволари хабарлар, emoji смайликлари ва тақвимдаги воқеалар билан бўлишиш имконини берувчи iPhone, iPad ва iPod Touch’га нисбатан илгари сурилди.
Олти соатлик муҳокамадан сўнг суд маслаҳатчилари Apple компанияси ҳақиқатан ҳам бир йўла бешта патентни бузган, деган хулосага келди. Apple адвокатлари смайликлар билан бўлишиш ҳуқуқини компанияда қолдириб, товон пулини 10 марта арзонлаштиришга эришди (Техас компанияси дастлаб ҳар битта қурилма учун 1 доллардан жами 237,2 миллион доллар талаб қилган эди).
Изоҳ (0)