Microsoft корпорацияси асосчиларидан бири Билл Гейтс дунёнинг энг қашшоқ мамлакатларида безгак ва бошқа юқумли касалликларга қарши кураш учун 500 миллион доллардан ошиқ маблағни хайрия қилади. Бу ҳақда у АҚШнинг Луизиана штати Янги Орлеан шаҳрида бўлиб ўтган Америка тропик тиббиёт ва гигиена жамияти йиғилишида маълум қилди, деб ёзади ТАСС.
У шу аср ўрталарида безгакка тўлиқ барҳам берилишига умид билдириб қолди. «Мен 59 ёшга кирдим, бироқ безгак тўлиқ тугатиладиган кунларгача яшамасам хафа бўламан», — деди Билл Гейтс.
Билл ва Мелинда Гейтс фонди анча йиллардан буён безгакка қарши кураш учун хайрия қилиб келади, энди улар ушбу кўмакни 30 фоизга кўпайтиришга қарор қилди. Мазкур юқумли касаллик туфайли дунёда, асосан Африкада, йилига 600 минг киши нобуд бўлади.
Изоҳ (0)