G‘arbning sanksiyalar orqali Rossiyaga bosim o‘tkazishi vaziyatni hal qilishni osonlashtirmaydi, aksincha uni faqat qiyinlashtiradi. Bu haqda Rossiya prezidenti Vladimir Putin Serbiyaning “Politika” nashriga bergan intervyusida ta’kidlab o‘tdi, deb yozadi “Yevropeyskaya pravda”.
“Yangi sanksiyalar tinchlik protsessini ilgari surish bo‘yicha bitimlarga endigina erishilgan paytdayoq kiritilaversa, qanday qilib Ukrainadagi vaziyatni yumshatish haqida gapirish mumkin?” — dedi u.
Putin shuningdek Rossiyaning yadro quroli haqida eslatib o‘tdi hamda Rossiya va AQSh munosabatlari haqida gapirar ekan, G‘arb davlatlariga tovlamachilikdan voz kechishni maslahat berdi.
“Biz o‘z tomonimizdan teng huquqlilik hamda o‘zaro manfaatlarning hisobga olinishiga asoslangan konstruktiv hamkorlikni rivojlantirishga tayyormiz”, — deya qo‘shimcha qildi Putin.
Izoh (0)