Rossiya Federatsiyasi Ukraina bilan chegaradosh bo‘lgan Rostov viloyatiga Rossiya Qurolli kuchlarining yangi bo‘linmalarini joylashtirdi, deya xabar bermoqda Korrespondent.net Ukraina Milliy xavfsizlik va mudofaa kengashiga tayanib.
“Gap Shimoliy Osetiyaning 100-alohida razvedka brigadasi, RF QK Bosh qarorgohi Bosh razvedka boshqarmasi tomonidan maxsus tayinlangan 2-alohida brigada tarkibidan tuzilgan razvedka-diversiya guruhi hamda RF QK Bosh qarorgohi BRBga qarovchi 2-spetsnaz brigadasi haqida bormoqda”, — dedi Ukraina MXMK spikeri Andrey Lisenko.
U, shuningdek, Rossiyaning Ukraina bilan chegaradosh tumanlarida kriminogen vaziyat (kishilarda jinoyat qilish qarorini keltirib chiqaruvchi holat)ning kuchayishi kuzatilayotganini ta’kidladi. “Bu Rossiyaga Ukrainadan hech kimning nazoratida bo‘lmagan terroristik guruhlar vakillari, qochoq jinoyatchilarning kirib kelishi bilan bog‘liq”, — dedi Ukraina MXMK vakili.
Lisenko so‘zlariga ko‘ra, shu tufayli Ukraina tomonidan yopilgan Izvarino, Krasnopartizansk va Doljanskiy o‘tkazish punktlarida Rossiya Federal xavfsizlik xizmati Rossiyaga kirayotgan har bitta avtomobilni diqqat bilan tekshirmoqda.
Izoh (0)