Britaniya OAVlarida Portugaliya terma jamoasi va “Real” hujumchisi Krishtianu Ronaldu “Manchester Yunayted” yoki “Chelsi” klublari unga har hafta 500 ming funt (812 ming dollar) to‘lasa, bu jamoalarda o‘ynashga tayyor ekanligi haqida xabar tarqaldi, deb qayd etdi Stadion.uz “ITAR-TASS” ma’lumotiga tayanib.
Hozirgi kunda Ronaldu haftasiga 350 ming funt maosh oladi. “Manchester Yunayted”da eng ko‘p maosh oladigan futbolchilar Ueyn Runi va Radamel Falkao hisoblanadi.
Avvalroq ispan matbuotida Ronaldu 2014/15-yilgi mavsum yakuniga yetganidan keyin jamoani tark etishi mumkinligi haqida xabar tarqatilgandi. 29 yoshli futbolchiga “Real”ning transfer siyosati yoqmagan. Jumladan, Anxel Di Mariyaning “Manchester Yunayted”ga sotib yuborilishi unga ma’qul kelmagan.
Bundan avvalroq, “Real” Ronalduni qo‘yib yubormoqchi emasligi, shu sabab madridliklar qancha kerak bo‘lsa, shuncha pul sarflashga tayyor ekanligi xabar qilingan edi.
Izoh (0)