Pentagon rahbari Chak Heygel Ukrainadagi vaziyat tufayli AQSh va Rossiya o‘rtasida harbiy qarama-qarshilik yuzaga kelishi ehtimolini istisno qildi, deya xabar bermoqda CNN.
AQSh mudofaa vaziri so‘zlariga ko‘ra, Rossiya Federatsiyasi Ukrainada “tanglikni kuchaytirayotgan juda xavfli choralarni qo‘llashda avvalgidek davom etmoqda” va bu choralar “Rossiya uchun oqibatlar keltirib chiqaradi”.
“Shu bilan birga, — deya ta’kidladi mudofaa idorasi rahbari, — AQSh bu tufayli Rossiyaga qarshi urush olib bormaydi”.
Bundan tashqari, Heygel AQSh prezidenti ma’muriyati tomonidan qabul qilingan, Ukrainadagi tanglikni tartibga solishga yondashuvni himoya qilib gapirdi.
Heygelning fikricha, ushbu mintaqadagi keskinlikni zaiflashtirishga qaratilgan diplomatik urinishlar bekor ketdi, deyishga hech qanday asos yo‘q.
Nashrning eslatishicha, avvalroq Pentagon Ukraina bilan chegarada 10 ming nafar Rossiya harbiylari borligini aniqlagan edi. AQSh prezidenti Barak Obama Ukrainada Rossiya harbiylarining borligi — rad etib bo‘lmaydigan faktligini ta’kidlagan edi.
Izoh (0)