AQShning birinchi xonimi Mishel Obama Funny or Die hazil loyihasi saytiga joylashtirilgan videoda rol o‘ynadi, deya xabar bermoqda Gazeta.ru.
Rolikda Amerika maktablaridan birida zararli oziq-ovqat sotish oqibatlari hajviy tarzda ko‘rsatib berilgan. Unda nosog‘lom ovqatlanish natijasida maktab o‘quvchilari zombilarga aylanib qoladi.
Mishel Obama videolavha so‘ngida paydo bo‘ladi. U ikki dugonasi bilan video tomosha qilib sabzi yeyayotgan bo‘ladi. “Siz ham filmning butun syujeti ochib berilgan treylerlarni yoqtirmaysizmi? — deb so‘raydi birinchi xonim. — Kelinglar, yaxshisi yana “Muz yurak” multfilmini ko‘ramiz”.
Ushbu rolikda Mishel Obamaning ishtiroki behudaga emas — u amerikalik yoshlar orasida sog‘lom ovqatlanishni faol ravishda targ‘ib qiladi.
Nashrning eslatishicha, 2014-yil martida Barak Obama ham Funny or Die loyihasidagi hazilomuz videolardan birida suratga tushgan.
Izoh (0)