2014-yilgi Osiyo Chempionlar ligasi yarim final javob uchrashuvlari 30-sentabr — 1-oktabr kunlari bo‘lib o‘tadi. Ravshan Ermatov boshchiligidagi hakamlar brigadasi 30-sentabr kuni BAAning “Al Ayn” va Saudiya Arabistonining “Al Hilol” jamoalari o‘rtasidagi yarim final uchrashuvini boshqarib boradi. Bu haqda “Olamsport” xabar bermoqda.
Unga qanotlarda o‘zbekistonlik Abduhamidullo Rasulov va qirg‘izistonlik Bahodir Qo‘chqorov yordam beradi, o‘zbekistonlik Ilgiz Tantashev esa zaxira hakami sifatida qayd etilgan. Ma’lumot uchun, ushbu jamoalar o‘rtasidagi ilk o‘yin Saudiya Arabistonida 16-sentabr kuni bo‘lib o‘tadi.
Osiyo Chempionlar ligasi — 2014 (Yarim final, javob uchrashuvi)
“Al Ayn” (BAA) — “Al Hilol” (Saudiya Arabistoni)
Bosh hakam: Ravshan Ermatov (O‘zbekiston).
Yon qanot hakamlari: Abduhamidullo Rasulov (O‘zbekiston), Bahodir Qo‘chqorov (Qirg‘iziston).
To‘rtinchi hakam: Ilgiz Tantashev (O‘zbekiston).
Izoh (0)