Top-10: O‘zbekistonliklar tomonidan eng ko‘p yuklab olingan bepul Android dasturlari
“Parol” nashri Google Play ma’lumotlariga asosan O‘zbekistonliklar tomonidan eng ko‘p yuklab olingan bepul dasturlar o‘nligini taqdim etdi. Quyida 21-avgust holatiga ko‘ra tuzilgan eng yuqori o‘nlik bilan tanishishingiz mumkin.
WhatsApp – lahzali xabar almashish dasturi. Ushbu dastur 500 million martadan ortiq yuklab olingan, 16 896 871 kishi tomonidan baholangan va uning reytingi 4,4 ballni tashkil etadi.
Google Play’dan skrinshot
Viber – bepul xabar almashish va qo‘ng‘iroqlar dasturi. Ushbu dastur 100 million martadan ortiq yuklab olingan, 4 648 972 kishi tomonidan baholangan va uning reytingi 4,3 ballni tashkil etadi.
Telegram – tezlik va xavfsizlikka katta e’tibor qaratilgan xabar almashish dasturi. Ushbu dastur 10 million martadan ortiq yuklab olingan, 755 494 kishi tomonidan baholangan va uning reytingi 4,1 ballni tashkil etadi.
Odnoklassniki – “Odnoklassniki” ijtimoiy tarmog‘ining Android-dasturi. Ushbu dastur 10 million martadan ortiq yuklab olingan, 529 967 kishi tomonidan baholangan va uning reytingi 4,3 ballni tashkil etadi.
Google Play’dan skrinshot
Instagram – surat bo‘lishish dasturi. Ushbu dastur 100 million martadan ortiq yuklab olingan, 14 094 494 kishi tomonidan baholangan va uning reytingi 4,6 ballni tashkil etadi.
Skype – video va ovozli qo‘ng‘iroqlarni amalga oshirish dasturi. Ushbu dastur 100 million martadan ortiq yuklab olingan, 4 446 335 kishi tomonidan baholangan va uning reytingi 4,1 ballni tashkil etadi.
Facebook Messenger – Facebook ijtimoiy tarmog‘i a’zolari uchun xabar almashish dasturi. Ushbu dastur 500 million martadan ortiq yuklab olingan, 7 992 621 kishi tomonidan baholangan va uning reytingi 4,0 ballni tashkil etadi.
Google Play’dan skrinshot
DU Battery Saver & Widgets – uning bepul turidan foydalansangiz batareyangiz quvvatini 50 foizgacha tejaydi. Agar sotib olinadigan Pro versiyasidan foydalanilsa batareya quvvatini 70 foizgacha tejay oladi. Ushbu dastur 50 million martadan ortiq yuklab olingan, 2 720 484 kishi tomonidan baholangan va uning reytingi 4,5 ballni tashkil etadi.
SHAREit – fayllarni tezroq boshqa qurilmalar bilan bo‘lishish dasturi. U fayllarni Bluetooth’dan ko‘ra 40 barobar tezroq jo‘nata oladi. Ushbu dastur 1 million martadan ortiq yuklab olingan, 35 438 kishi tomonidan baholangan va uning reytingi 4,5 ballni tashkil etadi.
Subway Surfers – metro yo‘lida yugurib, tanga yig‘ib yuradigan qahramon haqidagi mashhur o‘yin. Hozirda uning Los-Anjeles shahridagi versiyasi ishlab chiqilgan. Ushbu dastur 100 million martadan ortiq yuklab olingan, 9 38 240 kishi tomonidan baholangan va uning reytingi 4,5 ballni tashkil etadi.
Izoh (0)