Август ойи бошида Facebook’даги «Общественный контроль» («Жамоатчилик назорати») гуруҳида Халқ банки филиалларида шахсий жамғариб бориладиган пенсия ҳисобида тўпланган маблағларни олиш учун 250 минг сўмга лотерея чипталарини сотиб олишга мажбурлашаётгани ҳақида баҳс-мунозара кўтарилди.
Шундан сўнг вазиятга ойдинлик киритишни сўраб Халқ банки раисига расмий мурожаат юборилди, деб ёзади Uz24.uz.
Банк бошқармаси 15 август куни жавоб хатини йўллади. Унда айтилишича, Ўзбекистон Республикаси Вазирлар Маҳкамаси томонидан 2002 йил 15 ноябрда тасдиқланган «Лотереяни ташкиллаштириш ва ўтказиш тартиби тўғрисида»ги Низомнинг 31-пунктига кўра, аҳолига лотерея чипталарини тарқатиш ихтиёрийлик тамойилига риоя қилган ҳолда амалга оширилади.
Шунга асосан чипталар фақат ихтиёрий равишда сотиб олиниши керак.
Халқ банки ходимлари томонидан одамларнинг лотерея чипталарини сотиб олишга мажбурланиши ҳоллари ва қўлланилган чоралар ҳақида банк ҳеч қандай изоҳ бермаган.
Изоҳ (0)