“Donetsk xalq respublikasi” qurolli tarafdorlari Yevropada xavfsizlik va hamkorlik tashkiloti vakillarini Malayziya “Boing”i qulagan joyga qo‘ymayapti, deya xabar berdi Euronews.
Bugun, 31-iyul kuni Minskda Ukraina sharqidagi vaziyatni tartibga solish bo‘yicha aloqa guruhi bilan uchrashuv bo‘lib o‘tishi mumkin. Unda tergov komissiyasi faoliyati xavfsizligini ta’minlash masalasi ham ko‘riladi.
“Donetsk xalq respublikasi” vakillarining aytishicha, Kiyev YeXHT ishidan niqob sifatida foydalanib, o‘t ochishni to‘xtatish e’lon qilinganiga qaramay, harbiy harakatlarni faollashtirmoqchi. Shu bilan birga, Donetsk hukumati yevropaliklar bilan hamkorlikdan bosh tortmayapti.
Moskva esa aynan Ukraina tomonidan otilayotgan o‘qlar xalqaro ekspertlar yo‘liga to‘g‘anoq bo‘layotganini aytmoqda.
Izoh (0)