NVIDIA kompaniyasi o‘tgan hafta Shield planshetini taqdim etgan edi. 29-iyuldan esa AQShda uning sotuvi boshlandi. Bu haqda Phonearena.com sayti ma’lumotiga asoslanib “Parol” nashri xabar berdi.
Ishlab chiqaruvchilarning ta’kidlashicha, Shield kompyuter o‘yinlarini ham o‘ynash mumkin bo‘lgan ilk planshet hisoblanadi
Shield planshetida 8 dyuym, 1080×1920 pikselli displey, 2,2 GGers chastotaga ega Tegra K1 protsessori, Kepler grafika protsessori, 2 Gb tezkor xotira, stereo ovoz karnaylari, 5 megapikselli old va orqa kameralar o‘rnatilgan. Planshet Android KitKat operatsion tizimida ishlaydi.
Planshetning faqat Wi-Fi'ga ega 16 Gb xotiralik turi 299 dollardan sotilmoqda. 32 Gb xotiraga va LTE'ga ega turining narxi esa 399 dollarni tashkil etadi.
Shuningdek, planshet bilan 59,99 dollarga Shield simsiz boshqaruv pulti hamda 39,99 dollarga Shield g‘ilofini sotib olish ham mumkin. Shield planshetini NVIDIA saytidan buyurtma qilish imkoni mavjud.
Izoh (0)