Germaniyaning Vupertal shahridagi sinagoga (yahudiylar ibodatxonasi) seshanbaga o‘tar kechasi uch nafar notanish kimsa tomonidan uyushtirilgan “Molotov” kokteyllari hujumiga duchor bo‘ldi. Voqea natijasida hech kim jabr ko‘rmadi. Bu haqda Rheinische Post nashriga asoslanib, “RIA Novosti” xabar berdi.
Politsiya sinagoga yaqinida 18 yoshli gumondorni qo‘lga olishga muvaffaq bo‘ldi. Qolgan ikki nafar jinoyatchi berkinishga ulgurdi.
Hozirda binoga yetkazilgan zarar mutaxassislar tomonidan hisoblab chiqilmoqda.
OAV ma’lumotlariga ko‘ra, bir necha kun avval internetda Essen shahridagi sinagogaga hujum uyushtirish bilan bog‘liq tahdid paydo bo‘lgan edi.
Minglab kishining umriga zomin bo‘layotgan Isroilning G‘azo sektorida davom etayotgan operatsiyasiga qarshi Germaniyada falastinliklarni qo‘llovchi namoyishlar o‘tkazilmoqda.
Germaniya politsiyasi so‘nggi bir necha haftadan beri sinagoga singari yahudiylarning madaniy va ijtimoiy markazlari xavfsizligini ta’minlash uchun qo‘shimcha choralarni ko‘rmoqda.
Izoh (0)