21-iyul kuni “Daryo” nashri Android-qurilmalar uchun mo‘ljallangan mobil dasturining yangi versiyasini taqdim etdi. Bu haqda “Parol” nashri xabar berdi.
Dasturning yangilangan versiyasiga ko‘p so‘ralgan uch funksiya qo‘shilgan. Ular:
Offlayn o‘qish imkoniyati. Internet bo‘lgan paytda xabarlarni yuklab olish va ularni internet yo‘q joylarda ham o‘qish mumkin bo‘ldi. Internet bor joyda dasturni ochsangiz, u so‘nggi 15 xabarni yuklab oladi. Endi siz bu xabarlarni internetingiz bo‘lmasa ham o‘qishingiz mumkin.
Mobil muxbir. Biror qiziq voqea guvohiga aylansangiz, suratga olib, qisqacha ma’lumot bilan uni “Mobil muxbir” orqali “Daryo” nashriga yuborishingiz mumkin. Albatta, xabar tagida sizning ismingiz ko‘rsatiladi va siz mashhur bo‘lib ketasiz ;)
Kirill alifbosidagi xabarlar. Sizga kirillchada xabarlar o‘qish qulay bo‘lsa, endi “Daryo”ning mobil dasturida buning ham iloji bor, marhamat :)
Eslatib o‘tamiz, iOS qurilmalari uchun ham “Daryo” nashrining mobil dasturi mavjud. Yaqin orada uning ham yangilangan versiyasi taqdim etiladi.
2014-yilning 19-martida dasturning ilk versiyasi Google Play’ga joylashtirilgan edi. Dastur hozirgacha 11 ming martadan ortiq yuklab olingan va undan kuniga 17 ming martadan ko‘p foydalaniladi.
Shuningdek, Google Play do‘konida dasturni 456 kishi baholagan va ulardan 391 nafari dasturga a’lo baho bergan. Dasturning bugungi kundagi o‘rtacha bahosi 5 ballik sistemada 4,74 ni tashkil etadi.
“Daryo” nashrining Android uchun mo‘ljallangan mobil dasturini albatta yuklab oling :)
Izoh (0)