21 июль куни «Дарё» нашри Android-қурилмалар учун мўлжалланган мобил дастурининг янги версиясини тақдим этди. Бу ҳақда «Парол» нашри хабар берди.
Дастурнинг янгиланган версиясига кўп сўралган уч функция қўшилган. Улар:
Оффлайн ўқиш имконияти. Интернет бўлган пайтда хабарларни юклаб олиш ва уларни интернет йўқ жойларда ҳам ўқиш мумкин бўлди. Интернет бор жойда дастурни очсангиз, у сўнгги 15 хабарни юклаб олади. Энди сиз бу хабарларни интернетингиз бўлмаса ҳам ўқишингиз мумкин.
Мобил мухбир. Бирор қизиқ воқеа гувоҳига айлансангиз, суратга олиб, қисқача маълумот билан уни «Мобил мухбир» орқали «Дарё» нашрига юборишингиз мумкин. Албатта, хабар тагида сизнинг исмингиз кўрсатилади ва сиз машҳур бўлиб кетасиз ;)
Кирилл алифбосидаги хабарлар. Сизга кириллчада хабарлар ўқиш қулай бўлса, энди «Дарё»нинг мобил дастурида бунинг ҳам иложи бор, марҳамат :)
Эслатиб ўтамиз, iOS қурилмалари учун ҳам «Дарё» нашрининг мобил дастури мавжуд. Яқин орада унинг ҳам янгиланган версияси тақдим этилади.
2014 йилнинг 19 мартида дастурнинг илк версияси Google Play’га жойлаштирилган эди. Дастур ҳозиргача 11 минг мартадан ортиқ юклаб олинган ва ундан кунига 17 минг мартадан кўп фойдаланилади.
Шунингдек, Google Play дўконида дастурни 456 киши баҳолаган ва улардан 391 нафари дастурга аъло баҳо берган. Дастурнинг бугунги кундаги ўртача баҳоси 5 баллик системада 4,74 ни ташкил этади.
«Дарё» нашрининг Android учун мўлжалланган мобил дастурини албатта юклаб олинг :)
Изоҳ (0)