Malayziya bosh vazirining qarindoshi ham Ukrainada qulagan “Boing” bortida bo‘lgani xabar berildi

Malayziya bosh vaziri Najib Razzoqqa qarindosh bo‘lgan ayol ham Ukrainada halokatga uchragan “Boing” bortida bo‘lgan, deya xabar berdi “RIA Novosti”.

Ma’lum bo‘lishicha, 83 yoshli Puan Shri Shiti Amira vazirning bobosiga ikkinchi xotin bo‘lgan.

Vazir oilasi a’zolaridan birining Strait Times nashiga ma’lum qilishicha, Shiti Amsterdamdan Indoneziyaning  Jokyakarta shahridagi uyiga yolg‘iz sayohat qilayotgan bo‘lgan. Bir yo‘la u Kuala-Lumpurga ham kirib o‘tmoqchi bo‘lgan.

Eslatib o‘tamiz, “Boing-777” Toshkent vaqti bilan payshanba kuni 20:00 da Donetsk viloyati hududida halokatga uchradi. So‘nggi ma’lumotlarga ko‘ra, samolyot qulashi natijasida 298 kishi halok bo‘lgan.