O‘zbekiston Prezidenti Islom Karimov “Davlat mulki obyektlarini kichik biznes va xususiy tadbirkorlik subyektlariga sotish borasidagi qo‘shimcha chora-tadbirlar to‘g‘risida”gi qarorida Xususiylashtirish, monopoliyadan chiqarish va raqobatni rivojlantirish davlat qo‘mitasi, Sog‘liqni saqlash, Xalq ta’limi, madaniyat va sport ishlari vazirliklari, ularning hududiy bo‘linmalari, Qoraqalpog‘iston Respublikasi Vazirlar Kengashi, viloyat, shahar va tumanlar hokimliklarining rahbarlariga ularning balansida bo‘lgan bino va inshootlar, boshqa davlat mulki obyektlarining saqlanishi, tegishli darajada avaylab-asralishi va samarali foydalanilishini ta’minlash bo‘yicha qoniqarsiz ishlaganliklari va mas’uliyatsizlik bilan qaraganliklarini ko‘rsatib o‘tdi.
Hujjatda davlat mulkini xususiylashtirish va boshqarish sohasida qonunchilik buzilishiga yo‘l qo‘ygan Xususiylashtirish, monopoliyadan chiqarish va raqobatni rivojlantirish davlat qo‘mitasining bir qator hududiy organlari rahbarlari egallab turgan lavozimlaridan ozod etilgani, davlat mulki obyektlarini balansida saqlovchi yuzdan ortiq davlat tashkilotlari rahbarlariga nisbatan qattiq jinoiy va intizomiy jazo choralari qo‘llanilgani qayd etib o‘tildi.
Qarorda aytilishicha, davlat mulki obyektlarining yalpi inventarizatsiyasi o‘tkazilib, foydalanilmayotgan obyektlar buzib tashlanadi va bo‘shagan yer uchastkalari mahalliy davlat hokimiyati organlarining zaxira fondiga topshiriladi yoki kimoshdi savdosiga qo‘yiladi.
Izoh (0)