Shimoliy Afg‘onistondagi Xulm shahridan 22 kilometr shimoli-g‘arbda 13 iyul, yakshanba kuni Toshkent vaqti bilan 21:23 da 5 magnitudali zilzila ro‘y berdi. Bu haqda AQSh Geologiya xizmati xabar bermoqda, deb yozadi “Kun”.
Zilzila O‘zbekistonning Afg‘oniston bilan chegaradosh Surxondaryo viloyati ma’muriy markazi — Termiz shahrida ham sezilgan. “Toshkent” seysmostansiyasidan “Kun”ga ma’lum qilishlaricha, Termizdagi zilzila kuchi Rixter shkalasi bo‘yicha 3 ballga teng bo‘lgan.
Ushbu zilzila kuchi O‘zbekiston poytaxti Toshkent shahrida deyarli sezilmagan.
Zilzila natijasida ro‘y bergan vayronagarchiliklar va jabrlanuvchilar to‘g‘risida ma’lumot yo‘q. Qayd etish joiz, Afg‘onistonning shimoliy qismi seysmik faol hududlardan biri hisoblanadi.
Izoh (0)