O‘zbekistonda Koreyaning LG kompaniyasiga tegishli yangi G3 flagman smartfoni sotila boshladi. Hozircha xaridorlarga faqat kulrang korpusdagi model taqdim etilmoqda. Tillarang va oq rangdagi telefonlar keyinroq sotuvga chiqadi. Bu haqda Mobinfo.uz xabar berdi.
16 Gb doimiy xotiraga ega LG G3 poytaxtdagi “Fleshka” savdo majmuasida 2,2 million so‘mdan sotilmoqda. Taqqoslash uchun, LG G2’ni 1,4 millionga xarid qilish mumkin.
Eslatib o‘tamiz, ommaboplikda Samsung Galaxy S5’ni ortda qoldirgan LG G3 smartfoni 5,5 dyuymli 2560×1440 pikselli displey, to‘rt yadroli Qualcomm Snapdragon 801 protsessori, 3 Gb tezkor, 16/32 Gb ichki xotira, 13 megapikselli old kamera hamda 3000 mA·soat sig‘imidagi akkumulyator bilan jihozlangan. Unda Android 4.4 Kit-Kat operatsion tizimi o‘rnatilgan.
Izoh (0)