Buyuk Britaniyaning Istburn shahrida kechayotgan tennis bo‘yicha Aegon International xalqaro turnirida chorak final uchrashuvlari davom etmoqda. Bu haqda “Olamsport” xabar beradi.
Avvalroq, ushbu turnirda hamyurtimiz Denis Istomin ham ishtirok etmoqda, deya xabar berilgan edi. O‘zbekistonlik tennis ustasi ilk davrada qozog‘istonlik Mixail Kukushkinni 7:6, 6:7, 6:3, ikkinchi bosqichda ispaniyalik Gilermo Garsiya-Lopesni 6:2, 7:5 hisobida mag‘lubiyatga uchratgan edi.
Denis Istomin chorak final o‘yinini ham muvaffaqiyatli yakunladi. Denis fransiyalik Eduard Rojer-Vasselinga qarshi kortga chiqib, 7:6, 6:2 hisobida zafar quchdi va yarim finalga yo‘llanma oldi.
Denis final ostonasida yana bir fransuz raketka ustasi Rishar Gaske bilan hisob-kitob qiladi. Gaske dunyo reytingida 14-o‘rinni egallab turibdi.
Izoh (0)