24-aprel kuni “O‘zbektelekom” AK chaqiriqlarga xizmat ko‘rsatuvchi Yagona markaz (ChXKYaM) loyihasini joriy etish doirasida 13 ta mintaqaviy markazning ochilish marosimi videokonferensiya aloqasi orqali o‘tkazildi. Bu haqda “O‘zbektelekom” matbuot xizmati xabar berdi.
Loyiha O‘zbekiston Respublikasi Prezidentining 2012-yil 21-martda qabul qilingan 1730-sonli “Zamonaviy axborot-kommunikatsiya texnologiyalarini yanada joriy etish va rivojlantirish chora-tadbirlari to‘g‘risida”gi Qaroriga va 2013-yil 27-iyundagi PQ 1989 sonli “O‘zbekiston Respublikasida Milliy axborot-kommunikatsiya tizimini yanada rivojlantirish chora-tadbirlari to‘g‘risida”gi Qaroriga muvofiq amalga oshirildi.
Toshkent shahrida dastlabki “09” ma’lumotlar xizmati 1936-yilda ochilgan. 2003-yilda Ma’lumot-axborot xizmati (MAX), 2009-yilda MAX bazasida zamonaviy Call-markaz tashkil etilgan edi. 2014-yilda esa chaqiriqlarga xizmat qiluvchi Yagona markazni yaratish bo‘yicha ishlar yakuniga yetkazildi.
2014-yil 24-aprel kuni axborot xizmatlarining evolyutsion rivoji sifatida 13 ta hudud bo‘yicha tarqoq Chaqiriqlarni qayta ishlash markaz (ChQIM)larini birlashtirib, Chaqiriqlarni qayta ishlash yagona markazi (ChQIYaM) tizimi joriy etildi. ChQIYaMning o‘ziga xos xususiyati hududiy joylashganligidan qat’iy nazar, iste’molchilarga ham, ChQIMning o‘ziga ham ko‘rsatiladigan barcha ChQIM xizmatlari turlarini to‘liq taqdim etish imkoniyati yuzaga kelganligidadir.
Yaratilgan ChQIYaM infrastrukturasi kichik va yirik biznesga butun O‘zbekiston hududi bo‘ylab autsorsing xizmatlarining keng turlarini ko‘rsatish imkonini beradi. ChQIYaM orqali davlat ijtimoiy va iqtisodiy dasturlariga ma’lumotlarni tahlil etish uchun statistik axborotlarni jamlash bo‘yicha, shuningdek, mamlakatimiz barcha mintaqalari bo‘ylab fuqarolarning davlat xizmatlari va idoralari bilan yuqori darajada qulay va samarali muloqotni amalga oshirishlari uchun imkoniyatlardan foydalanish mumkin.
“O‘zbektelekom” Chaqiriqlarni qayta ishlash yagona markazi (ChQIYaM) loyihasining joriy etilishi 220 ta yangi ishchi o‘rni yaratilishiga va aloqa sohasi oliy va o‘rta maxsus ta’lim muassasalaridan 170 nafar bitiruvchilarni hamda O‘zbekiston Respublikasidagi boshqa ta’lim muassasalaridan 50 nafar mutaxasisni ishga qabul qilish imkonini berdi. Yangi markazlarning barcha xodimlari tanlov asosida saralab olindi hamda mintaqaviy markazlarda ishlash uchun zarur bo‘lgan o‘quv kurslarida bilim oldi.
Izoh (0)