24 апрель куни «Ўзбектелеком» АК чақириқларга хизмат кўрсатувчи Ягона марказ (ЧХКЯМ) лойиҳасини жорий этиш доирасида 13 та минтақавий марказнинг очилиш маросими видеоконференция алоқаси орқали ўтказилди. Бу ҳақда «Ўзбектелеком» матбуот хизмати хабар берди.
Лойиҳа Ўзбекистон Республикаси Президентининг 2012 йил 21 мартда қабул қилинган 1730-сонли «Замонавий ахборот-коммуникация технологияларини янада жорий этиш ва ривожлантириш чора-тадбирлари тўғрисида»ги Қарорига ва 2013 йил 27 июндаги ПҚ 1989 сонли «Ўзбекистон Республикасида Миллий ахборот-коммуникация тизимини янада ривожлантириш чора-тадбирлари тўғрисида»ги Қарорига мувофиқ амалга оширилди.
Тошкент шаҳрида дастлабки «09» маълумотлар хизмати 1936 йилда очилган. 2003 йилда Маълумот-ахборот хизмати (МАХ), 2009 йилда МАХ базасида замонавий Call-марказ ташкил этилган эди. 2014 йилда эса чақириқларга хизмат қилувчи Ягона марказни яратиш бўйича ишлар якунига етказилди.
2014 йил 24 апрель куни ахборот хизматларининг эволюцион ривожи сифатида 13 та ҳудуд бўйича тарқоқ Чақириқларни қайта ишлаш марказ (ЧҚИМ)ларини бирлаштириб, Чақириқларни қайта ишлаш ягона маркази (ЧҚИЯМ) тизими жорий этилди. ЧҚИЯМнинг ўзига хос хусусияти ҳудудий жойлашганлигидан қатъий назар, истеъмолчиларга ҳам, ЧҚИМнинг ўзига ҳам кўрсатиладиган барча ЧҚИМ хизматлари турларини тўлиқ тақдим этиш имконияти юзага келганлигидадир.
Яратилган ЧҚИЯМ инфраструктураси кичик ва йирик бизнесга бутун Ўзбекистон ҳудуди бўйлаб ауцорсинг хизматларининг кенг турларини кўрсатиш имконини беради. ЧҚИЯМ орқали давлат ижтимоий ва иқтисодий дастурларига маълумотларни таҳлил этиш учун статистик ахборотларни жамлаш бўйича, шунингдек, мамлакатимиз барча минтақалари бўйлаб фуқароларнинг давлат хизматлари ва идоралари билан юқори даражада қулай ва самарали мулоқотни амалга оширишлари учун имкониятлардан фойдаланиш мумкин.
«Ўзбектелеком» Чақириқларни қайта ишлаш ягона маркази (ЧҚИЯМ) лойиҳасининг жорий этилиши 220 та янги ишчи ўрни яратилишига ва алоқа соҳаси олий ва ўрта махсус таълим муассасаларидан 170 нафар битирувчиларни ҳамда Ўзбекистон Республикасидаги бошқа таълим муассасаларидан 50 нафар мутахасисни ишга қабул қилиш имконини берди. Янги марказларнинг барча ходимлари танлов асосида саралаб олинди ҳамда минтақавий марказларда ишлаш учун зарур бўлган ўқув курсларида билим олди.
Изоҳ (0)