Shavkat Mirziyoyev va prezident Qosim-Jo‘mart To‘qayev “Xiva gilamlari” kombinatiga tashrif buyurdi. Bu haqda prezident matbuot xizmati xabar berdi.
Keltirilishicha, 2020-yilda tashkil etilgan qiymati 24 million dollarlik ushbu korxona yiliga 4,2 million kvadrat metr gilam va gilam mahsulotlarini ishlab chiqaradi. Mahsulotlar AQSH, Xitoy, Rossiya, Qozog‘iston va MDHning boshqa mamlakatlariga eksport qilinmoqda.
Kombinatda Germaniya, Belgiya, Avstriya, Shveysariya, Italiya, Fransiya va Turkiyadan keltirilgan zamonaviy uskunalar o‘rnatilgan. 750 nafar ishchi mehnat qilmoqda.
Prezidentlar korxonaning ishlab chiqarish jarayoni va shourumi bilan tanishdi, kombinat hududida tashkil etilgan Made in Uzbekistan brendi ostidagi mahsulotlar ko‘rgazmasini ko‘zdan kechirdi. Mas’ul vazirlik va idoralarga o‘zaro tajriba almashish, kooperatsiya va savdoni rivojlantirishga ko‘rsatma berildi.
Izoh (0)