Makroiqtisodiy va hududiy tadqiqotlar instituti mutaxassislari tomonidan 2025-yilning fevral oyida ikkilamchi bozordagi avtomobillar narxlari o‘zgarishi tahlil qilindi.
Mahalliy ommabop avtomobillar narxi
2025-yilning fevral oyida mahalliy ommabop avtomobillarning o‘rtacha narxi pasaydi.
Xususan:
- Onix: o‘rtacha foydalanilgan — 3 foizga (13 500 dollardan 13 100 dollarga), kam foydalanilgan — 0,1 foizga (14 865 dollardan 14 850 dollarga);
- Lacetti: ko‘p foydalanilgan — 0,3 foizga (13 500 dollardan 13 461 dollarga);
- Cobalt: o‘rtacha foydalanilgan — 2,4 foizga (12 300 dollardan 12 000 dollarga), kam foydalanilgan — 1,2 foizga (12 750 dollardan 12 600 dollarga), ko‘p foydalanilgan — 0,5 foizga (11 600 dollardan 11 538 dollarga);
- Nexia: o‘rtacha foydalanilgan — 1,9 foizga (11 500 dollardan 11 284 dollarga); ko‘p foydalanilgan — 0,9 foizga (10 800 dollardan 10 700 dollarga);
- Spark: o‘rtacha foydalanilgan — 1 foizga (10 500 dollardan 10 400 dollarga), ko‘p foydalanilgan — 0,9 foizga (9 600 dollardan 9 500 dollarga);
- Damas: o‘rtacha foydalanilgan — 3,6 foizga (7 985 dollardan 7 000 dollarga), kam foydalanilgan — 0,8 foizga (8 061 dollardan 8 000 dollarga) arzonlashgan.
Mahalliy lyuks avtomobillar narxi
Equinox: ko‘p foydalanilgani 1,1 foizga (27 300 dollardan 27 000 dollarga) arzonlagan bo‘lsa, o‘rtacha foydalanilgani esa 3,2 foizga (31 000 dollardan 32 000 dollarga) qimmatlashdi.
Malibu: kam foydalanilgani 0,7 foizga (31 907 dollardan 31 682 dollarga) arzonlashgan bo‘lsa, o‘rtacha foydalanilgani deyarli o‘zgarishsiz (29 000 dollardan 29 070 dollarga) qolgan.
Tracker: ko‘p foydalanilgani 1,1 foizga (16 984 dollardan 16 800 dollarga) tushgan bo‘lsa, kam va o‘rtacha foydalanilgani narxlarida o‘zgarish kuzatilmagan.
Elektromobillar narxi
Mazkur davrda BYD E2 narx jihatidan mahalliy ommabop avtomobillarga jiddiy raqobatchiga aylangan bo‘lsa, yangi BYD Song Plus avtomobillari narxlari sezilarli arzonladi.
- BYD E2: yangi — 1,8 foizga (16 800 dollardan 16 500 dollarga), ko‘p foydalanilgan — 2,0 foizga (14 800 dollardan 14 500 dollarga);
- BYD Han: yangi — 0,5 foizga (32 150 dollardan 32 000 dollarga), o‘rtacha foydalanilgan — 4,4 foizga (36 500 dollardan 34 900 dollarga);
- BYD Song Plus DM-i Champion: yangi — 1,7 foizga (29 000 dollardan 28 500 dollarga), o‘rtacha foydalanilgan — 0,2 foizga (27 050 dollardan 27 000 dollarga), ko‘p foydalanilgan — 0,6 foizga (24 650 dan 24 500 ga);
- BYD Song Plus EV Champion: yangi — 1,1 foizga (28 000 dollardan 27 700 dollarga);
- BYD Yuan Up: yangi — 1,4 foizga (20 800 dollardan 20 514 dollarga) arzonlagan.
Xorijiy avtomobillar narxi
- Kia Sorento: o‘rtacha foydalanilgani 1,3 foizga (40 000 dollardan 39 500 dollarga) arzonlagan bo‘lsa, ko‘p foydalanilgani 1,3 foizga (40 000 dollardan 39 500 dollarga) qimmatlashdi.
- Kia Sportage: o‘rtacha foydalanilgani 2,3 foizga (31 590 dollardan 30 850 dollarga), ko‘p foydalanilgani 4,6 foizga (29 733 dollardan 28 363 dollarga) arzonlagan.
- Kia K5: o‘rtacha foydalanilgani 1,3 foizga (27 549 dollardan 27 200 dollarga), ko‘p foydalanilgani 1,9 foizga (26 500 dollardan 26 000 dollarga) tushgan.
Avtomobillar bosib o‘tgan masofasi hamda ishlab chiqarilgan yiliga ko‘ra, quyidagi guruhlarga ajratib olindi:
“Kam foydalanilgan” — 2024-yilda ishlab chiqarilgan hamda bosib o‘tgan masofasi 20 000 km gacha bo‘lgan avtomobillar hamda 2025-yilda ishlab chiqarilgan barcha avtomobillar;
“O‘rtacha foydalanilgan” — 2024-yilda ishlab chiqarilgan hamda bosib o‘tgan masofasi 20 000 km dan 50 000 km gacha bo‘lgan avtomobillar, shuningdek, 2022-2023-yillarda ishlab chiqarilgan hamda bosib o‘tgan masofasi 40 000 km gacha bo‘lgan avtomobillar;
“Ko‘p foydalanilgan” — 2024-yilda ishlab chiqarilgan va bosib o‘tgan masofasi 50 000 km dan ko‘p bo‘lgan avtomobillar, 2022—2023-yillarda ishlab chiqarilgan hamda 40 000 km dan ortiq masofani bosib o‘tgan avtomobillar hamda 2021-yilda ishlab chiqarilgan barcha avtomobillar.
Narxlarni tahlil qilishda maʼlumotlar olx.uz platformasidan veb skreping orqali to‘plandi. Bunda ishlab chiqarilgan yili 2021-yildan yuqori bo‘lgan avtomobillarning yanvar oyi uchun 20,2 mingta, fevral oyi uchun 18,5 mingta maʼlumotidan foydalanildi.
MHTI mutaxassislarining ikkilamchi avtomobil bozori bo‘yicha avvalgi tahlili
2024-yilning noyabr oyida o‘rtacha foydalanilgan mahalliy ommabop avtomobillar hamda xorijiy lyuks avtomobillar o‘rtacha narxlari pasaygan bo‘lsa, mahalliy lyuks va elektromobillar narxlarida sezilarli o‘zgarish kuzatilmadi. 2024-yil dekabr oyida ikkilamchi avtomobil bozorida faollik pasayishda davom etdi va bu o‘rtacha narxlarda o‘z aksini topgandi. 2025-yilning yanvarida O‘zbekiston ikkilamchi avtomobil bozorida yanvar oyida pasayish davom etdi. Mahalliy ommabop avtomobillar narxi 2024-yilning dekabr oyidagiga nisbatan arzonlashdi.
Izoh (0)