Toshkentdagi ko‘p qavatli uylarda yashovchi xonadon egasi issiq suv tarmoqlaridan qarzi bo‘lsa, butun uy issiq suv tarmoqlaridan uzilishi haqida xabarlar taraldi. Veolia Energy buni rad etdi.
Kompaniya matbuot xizmatining bildirishicha, ko‘p kvartirali uylarda istiqomat qiluvchi qo‘shnilarning isitish tizimidan qarzi mavjudligi sababli, butun turar joy binosida issiqlik ta’minotining o‘chirilishi haqida tarqalayotgan xabarlar yolg‘on.
“Shuni qat’iy ma’lum qilamiz: qo‘shnilarning qarzi tufayli kommunal xizmatlarning o‘chirilishi haqidagi xabar haqiqatga to‘g‘ri kelmaydi”, deyiladi raddiyada.
Kompaniya issiqlikni barqaror hamda uzluksiz ta’minlash maqsadida barcha chora-tadbirlar ko‘rilayotganini bildirdi va faqat rasmiy manbalariga tayanishni, tasdiqlanmagan ma’lumotlarni tarqatishdan saqlanishni iltimos qildi.
Izoh (0)