O‘zbekiston issiqlik va issiq suv tariflari 2025-yil davomida 2 marotaba oshirish ko‘zda tutilgan. Bu haqda Bu haqda AOKAda bo‘lib o‘tgan matbuot anjumanida qurilish va uy-joy kommunal xo‘jaligi vazirligi boshqarma boshlig‘i Ilhom To‘rayev ma’lum qildi.
-lKU5lsAp.jpg)
Ilhom To‘rayevning aytishicha, joriy yil davomida viloyatlarda bir marotaba va poytaxtda esa ikki marotaba tarif narxlari oshirilgan.
Keyingi yildan tarif narxlari viloyatlarda ham ikki marotaba oshadi. Chunki to‘lovlarni davlat tomonidan qoplab berishda juda katta subsidiya bor. Subsidiyadan qutilish va tizimni yangilash uchun biz narxlarni qayta ko‘rib chiqishimiz kerak. Bunda nafaqat narxlarni, to‘lov tizimni ham qayta ko‘rish lozim.
To‘lov tizimlari bo‘yicha Koreya va qo‘shni davlatlar tajribasini o‘rganib chiqdik. Ko‘pchilikda “Men uyda yashamasam, issiqlikka to‘laymanmi yoki to‘lamaymanmi?”, degan savol tug‘iladi. Koreyada telefon abonent to‘lovi kabi tizimdagi hamma narsa to‘lov xizmat ilovalari orqali to‘lanadi. Lekin uyning minimal issiqligini saqlab turish uchun abonent to‘lovi olinadi. Biz tarif siyosatini to‘g‘ri yuritsak, o‘shanda narxlarni oshish yoki oshmasligi hal bo‘ladi, dedi vazirlik mas’ul xodimi.
Uning qo‘shimcha qilishicha, 2025-yilda tariflar ikki marta — o‘n besh foizdan oshishi mumkin.
Javobini kutayotgan savol
Toshkent shahrida kuz-qish mavsumiga tayyorgarlik ko‘rish uchun byudjetdan 732,6 milliard so‘mdan ortiq mablag‘ yo‘naltirish haqida farmoyish e’lon qilindi. Bu mablag‘ning eng kata qismi, 623,8 mlrd so‘mi isitish tizimi uchun ajratilgan. Mazkur ajratilayotgan mablag‘lar qay darajada to‘g‘ri sarflanyapti, degan savolga qurilish va uy-joy kommunal xo‘jaligi vazirligi boshqarma boshlig‘i Ilhom To‘rayev javob bermadi.
Veolia Energy boshqaruv kompaniyasiga isitish tizimini topshirishdan maqsad nima edi? Qo‘yilgan qaysi vazifalar bajarildi, boshqaruvchiga qancha mablag‘ to‘lanmoqda? Maqsad tannarx va xarajatlarni shishirishda, byudjet mablag‘larini cheksiz o‘zlashtirishda davom etishmidi? Yoki shaffoflik va hisobdorlikni oshirish orqali samarali boshqaruvga kelishmidi? Uch yildan beri hattoki issiq suv va isitish hisobini ajratilmagani haqidagi savollarga boshqaruvchi va uning davlat sherigi bo‘lgan poytaxt hokimligi jamaotchilikka biror marotaba na izoh, na tushuntirish berganicha yo‘q.
Izoh (0)