Olmazor va Shayxontohur tumanlarining ayrim hududlarida issiq suv taʼminoti vaqtincha to‘xtatiladi. Bu haqda Veolia Energy Tashkent kompaniyasi xabar berdi.
Qayd etilishicha, issiqlik tarmoqlarida avariyaviy taʼmirlash ishlari olib borilishi va tegishli jihozlarni almashtirish zarurati tufayli bugun, 3-iyun kuni quyidagi manzillarda issiq suv taʼminoti vaqtincha to‘xtatiladi:
- Olmazor tumani — Farobiy ko‘chasi;
- Shayxontohur tumani — Ibn Sino - 1,2, Jarariq, Beltepa, Huvaydo dahalari.
Issiq suv taʼminoti taʼmirlash ishlari tugallanishi bilan tiklanadi (taxminan bugun 21:00 gacha).
Veolia Energy Tashkent MCHJ XK yuzaga kelgan noqulayliklar uchun uzr so‘raydi va ishlarni belgilangan muddatlarda yakunlash bo‘yicha zarur choralarni ko‘radi.
Avvalroq Veolia Energy Tashkent Sergeli tumanidagi ko‘chalardan birida qariyb 1 oy davomida quvur almashtirish ishlari olib borilishini ma’lum qilgandi. Shu munosabat bilan Sergeli tumanidagi ayrim yo‘llarning qatnov qismi yopilgan.
Izoh (0)