Eron boyitilgan uran ishlab chiqarishni yana kuchaytirmoqda. Bu haqda BMT yadroviy agentligiga tayanib BBC xabar berdi.
Xalqaro Atom energetikasi agentligiga ko‘ra (XAEA), hozirda Eron 60 foiz darajada boyitilgan 400 kilogrammdan ortiq uranga ega. Bu tinch maqsadlarda foydalaniladigan darajadan ancha yuqori. Ushbu miqdor uch oy ichida deyarli 50 foizga oshgan. Agentlik xulosasiga ko‘ra, Tehron uchta hududda: Lavisan-Shian, Varamin va Turkzobodda yadroviy faoliyat olib borgan.
Agar uran yanada boyitilsa, taxminan 10 ta yadroviy qurol tayyorlash mumkin bo‘ladi. Eron doimo esa yadroviy dasturi faqat tinch maqsadlarda ekanini aytib kelgan.
“Eron tomonidan yuqori darajada boyitilgan uran ishlab chiqarish va saqlashning sezilarli darajada oshishi... jiddiy xavotir uyg‘otadi”, dedi XAEA bosh direktori Rafael Grossi.
Bu xabardan so‘ng, Isroil 31-may kuni Eronni yadro quroliga ega bo‘lishga qat‘iyan qaror qilganlikda ayblagan. Eron tashqi ishlar vaziri Abbos Arag‘chi bunga javoban Tehron yadro quroliga qarshiligini bildirgan.
AQSHga ko‘ra, agar Eron yadro quroli ishlab chiqarishni xohlasa, ikki haftadan kamroq vaqt ichida qurol materiali ishlab chiqarishi va bir necha oy ichida bomba yasashi mumkin.
So‘nggi oylarda Eron prezidenti Sayid Ali Husayniy Xomanaiyning ikki maslahatchisi — Ali Larijoniy va Kamol Xarazi xalqaro bosim kuchaygan taqdirda Eron yadro quroli yaratilishiga qarshi azaliy pozitsiyasini qayta ko‘rib chiqishi mumkinligini aytgan.
Izoh (0)