Qo‘shma Shtatlar Germaniyaga Ukraina uchun 125 ta uzoq masofali artilleriya raketasi va 100 ta Patriot raketasini topshirishga ruxsat berdi. Bu haqda New York Times o‘z manbasiga tayanib xabar bermoqda.
Nashrning eslatishicha, o‘ta zarur qurollar AQSHda ishlab chiqariladi va ular boshqa davlatga tegishli bo‘lsa ham, Amerika hukumati ruxsatisiz eksport qilinishi mumkin emas.
Ma’lumot o‘rnida, AQSH Davlat departamenti Kiyevga birinchi marta Donald Tramp davrida qurol sotishni ma’qulladi.
Joriy yilning 29-aprel kuni Amerika Kongressi yuqori palatasi saytida AQSH Davlat departamenti Kiyevga “mudofaa mahsulotlari, jumladan, texnik maʼlumotlar”, shuningdek, qiymati 50 million dollar va undan ko‘proq bo‘lgan “mudofaa xizmatlari”ni yetkazib berishga ruxsat bergani haqida hujjat eʼlon qilgan edi.
Izoh (0)