O‘zbekiston milliy terma jamoasi Jahon chempionati saralashi doirasidagi navbatdagi bahsni 5-iyun kuni safarda BAAga qarshi o‘tkazadi. Ushbu bahs oldidan Ichki ichlar bosh boshqarmasi futbol muhlislarini ogohlikka chaqirdi.
Ma’lum qilinishicha, so‘nggi kunlarda ayrim turistik kompaniyalar tomonidan muxlislarga “o‘yin chiptasi kafolatlangan” tur paketlar taklif etilayotgani kuzatilmoqda. Biroq, hozircha BAAda bo‘lib o‘tadigan ushbu o‘yinning rasmiy chiptalari sotuvga chiqarilmagan. Shu bois IIBB futbol muxlislarini hushyorlikka chaqirdi.
“Chipta kafolatlangan” degan va’dalarga ishonib, tasdiqlanmagan sayohat paketlarini xarid qilish moliyaviy zarar yoki firibgarlikka uchrash xavfini oshiradi, deyiladi IIBB xabarida.
Ma’lumot uchun, 2026-yil AQSH, Meksika va Kanada maydonlarida bo‘lib o‘tadigan Jahon chempionati saralashi doirasida O‘zbekiston milliy terma jamoasi 5-iyun kuni safarda Birlashgan Arab Amirliklari terma jamoasiga qarshi maydonga tushsa, 10-iyun kuni Toshkentda Qatarni qabul qiladi.
Temur Kapadze jamoasi hozir A guruhida 17-ochko bilan 2-o‘rinni egallab turibdi. Agar ular BAAga qarshi o‘yinda bir ochko qo‘lga kirita olsa, muddatidan avval mundial masalasini hal qiladi.
Izoh (0)