Ijtimoiy tarmoqlarda YPX xodimi haydovchiga qo‘l ko‘targani haqida xabarlar tarqaldi. Holat yuzasidan Toshkent shahar IIBB YHXB izoh berdi.
Maʼlum qilinishicha, 11-aprel kuni soat 23:50 larda YPX xodimlari davlat raqam belgisisiz, noqonuniy ravishda “migalka” o‘rnatib, ularni yoqib olgan Spark avtomashinasiga to‘xtash ishorasini bergan.
Haydovchi xodimlarning ko‘rsatmasiga amal qilmasdan, harakatini davom ettiradi. U bir necha bor svetoforning qizil chirog‘iga bo‘ysunmaydi. Xodimlar avtomashinani to‘xtatib, uni jarima maydonchasiga qo‘ydi.
Haydovchini javobgarlikka tortish masalasi ko‘rib chiqilmoqda. Shuningdek, YPX xodimlariga nisbatan xizmat tekshiruvi tayinlangan.
Toshkent shahrida 5-aprel kuni yuqori tezlikda harakatlangan Malibu haydovchisi YPX xodimini “kapot” ustida sudrab ketgandi.
Izoh (0)