Professional sirk artisti, sochidan osilib turish bo‘yicha mutaxassis Ginnes rekordini yangiladi. U o‘zining sochidan 25 daqiqa 11,3 soniya davomida osilib turgan. Bu haqda UPI xabar berdi.
39 yoshli Leyla Nun ushbu rekordni Kaliforniyadagi Redvud milliy va shtat bog‘larining go‘zal manzarasida sinab ko‘rdi.
Nun bu rekordni yangilash uchun ikki yil davomida mashq qilib, chidamlilikni oshirganini aytdi. Oldingi rekord 2011-yilda avstraliyalik Sutakaran Sivagnanaturay tomonidan 23 daqiqa 19 soniya bilan o‘rnatilgan edi.
Sirk artisti ushbu urinishi orqali inson ongining kuchi bilan nimalarga erishish mumkinligini isbotlashni maqsad qilganini ta’kidladi.
U ijtimoiy tarmoqlarda minglab izdoshlariga ega bo‘lib, o‘zining akrobatik mashqlarini, oyoqlari bilan kamon va o‘q otishini va ko‘plab sochdan osilish jarayonlarini ko‘rsatadigan hayratlanarli suratlar va videolarni tez-tez ulashadi.
Izoh (0)