Britaniya qirolichasi Yelizaveta II ning ismi u mamlakatni boshqarayotgan 68 yil mobaynida olti marta Ginnesning rekordlar kitobidan joy olgan, deb yozadi Harper’s Bazaar.
2020-yilning aprelida qirolicha 94 yoshni qarshiladi.
2012-yilda Yelizaveta II eng badavlat qirolicha deb topilgan. O‘shanda uning daromadi 310 million funt sterling bo‘lgan: ushbu summa uning ko‘chmas mulklari, san’at asarlari va taqinchoqlaridan olgan daromadlaridan to‘ldiriladi.
Yana bir rekord— qirolicha boshqaradigan mamlakatlar soni. Uning lavozimi haqiqiy hukumatga egalik qilishni nazarda tutmasa ham uning nomi rekordlar kitobiga kiritilgan. Qirolichaga aholisi 139 million kishi bo‘lgan 116 ta qardosh mamlakatlar bo‘ysunadi.
Yelizaveta II ning surati 35 ta mamlakat tangalarida aks etgan. Bu navbatdagi rekord. Undan boshqa hech kim bunday sharafga sazovor bo‘lmagan.
Britaniya tarixidagi taxtda eng uzoq o‘tirgan qirolicha ham Yelizaveta II hisoblanadi. Bu uning navbatdagi rekordi. U tarixdagi va amaldagi barcha monarxlardan uzoqroq taxtda o‘tirgan qirolichadir.
2013-yilda Yelizaveta II 90 yoshida olamdan ko‘z yumgan Saudiya qiroli Abdulla ibn Abdulaziz As-Sauddan keyin zamonaning eng keksa monarxi bo‘ldi.
Izoh (0)