Dominikalik qo‘shiqchi jahon rekordini o‘rnatish uchun ketma-ket 106 soat davomida qo‘shiq ijro etdi, biroq Ginnes rekordlari kitobi vakillari bu urinishni muvaffaqiyatsiz deb topdi. Bu haqda Univision axborot portali xabar qiladi.
Karlos Silver 29-mart, juma kuni qo‘shiq kuylashni boshladi va 3-aprel, chorshanba kuni mahalliy vaqt bilan soat 10 da kuylashni yakunladi. Shu vaqt ichida u besh mingdan ziyod qo‘shiq ijro etdi. Uni oilasi va kuzatuvchilar qo‘llab-quvvatlab turdi.
Kuylashni tugatganidan so‘ng, uni tez yordam mashinasida olib ketishdi. Shifoxonada uyqusizlik, ochlik va charchoq sababli unda gallyutsinatsiya boshlandi.
Jahon rekordi hind qo‘shiqchisi Sunil Vagmarega tegishli edi, Silver aslida unga qaraganda bir soatdan ko‘proq vaqt ijro etgan. Biroq, kuzatuvchilar, uning qo‘shiqlar orasida juda uzoq muddatli tanaffus olganligini his qildi. Qoidaga ko‘ra, qo‘shiqchi 30 soniyadan ortiq vaqt dam olishi mumkin emas. Silver esa taxminan ikki daqiqa jim qoldi.
Bu dominikalik qo‘shiqchining rekord o‘rnatish uchun ikkinchi urinishi edi. U keyinchalik yana urinib ko‘rmoqchi.
https://youtu.be/nCTf6terAjc
Izoh (0)