Qonli qirg‘in. Shifokorlar Eron shifoxonalaridagi holatni tasvirlab berdi

Tehrondagi Imom Humayniy kasalxonasida yaradorlar oqimi Eron-Isroil o‘rtasida urush boshlanganidan beri to‘xtagani yo‘q. 15-iyun kuni shifoxonalar jabrlanganlar bilan to‘lib ketdi. Shoshilinch yordam bo‘limlari qiyin ahvolga tushib qolgan. Ular shahardagi holatni “qonli qirg‘in” deb ta’rifladi.

“Bu qonli qirg‘in edi. Binoni to‘s-to‘polon, oila a’zolarning dod-faryodi bosib ketdi. Hayot uchun xavfli bo‘lgan o‘nlab jarohat olganlar va hatto jasadlar olib kelindi”, dedi shifoxonaning tez yordam bo‘limi shifokori.

Isroil va Eron o‘rtasidagi janglarning beshinchi kun davom etar ekan, Eron shifoxonalari yarador va holdan toygan xodimlar bilan to‘lib-toshgan. Tibbiyot xodimlari qonli tartibsizlik va yaradorlar oqimini nazorat qilishga qiynalmoqda.

“Men bolalar, o‘smirlar, kattalar va qariyalarni ham ko‘rdim. Onalar qon yo‘qotayotgan bolalarini olib keladi. Ba’zida ota-onalarning o‘zlari ham jarohatlanganini keyinroq bilib qoladi”, dedi bir shifokor.

Muassasalarga son suyaklari va chanoq-son bo‘g‘imlarining yumshoq to‘qimalariga metall kirib ketishi, ichki qon ketishi va og‘ir kuyishlar kabi holatlar bilan ham murojaat qilingan. Isroil shaharga bomba tashlaganda aholini snaryad parchalaridan og‘ir jarohatlagan.

Eron hukumati 16-iyun kuni 1277 kishi kasalxonaga yotqizilganini ma’lum qilgan, ulardan 224 nafari vafot etgan. Eron sog‘liqni saqlash vazirligi vakili Husayn Kermanpurning aytishicha, qurbonlarning 90 foizdan ortig‘i tinch aholi vakillari tashkil etadi. Shifokorlardan birining ta’kidlashicha, haqiqiy ko‘rilgan zarar aslida ko‘proq. Humayniy shifoxonasida reanimatsiya bo‘limiga ko‘proq o‘rinlar ajratilgan, yengil jarohat olgan bemorlar esa boshqa klinikalarga o‘tkazilgani ma’lum qilingan.

Reanimatsiya bo‘limi xodimlariga yaradorlar va halok bo‘lganlar soni haqida hech qanday ma’lumotni ijtimoiy tarmoqlarga joylashtirmaslik buyurilgan. Bu rota bo‘lim boshliqlari tomonidan nazoratga olingan. Tehronlik jurnalistning aytishicha, rasmiylar halok bo‘lgan va yaradorlar soni haqida ma’lumot berish haqidagi so‘rovlarni rad etgan.