Пўлат Бобожонов Президентнинг кадрлар сиёсати масалалари бўйича маслаҳатчисининг ўринбосари лавозимига тайинланди. Бу ҳақда ИИВ матбуот хизмати маълум қилди.
Генерал-лейтенант Пўлат Раззоқович Бобожонов 2017 йил сентябрдан буён Ўзбекистон Республикаси Ички ишлар вазири лавозимида ишлаб келаётган эди. Унинг ўрнини шу пайтга қадар Тошкент шаҳар ички ишлар бош бошқармаси бошлиғи лавозимида ишлаган Азиз Тошпўлатов эгаллади.
Пўлат Бобожонов ҳақида
Пўлат Бобожонов 1961 йил 1 январда Хоразм вилоятида туғилган. 1982 йил Тошкент давлат университетини тамомлаган, шундан кейин Хоразм вилоятида прокуратура органларида ишлай бошлаган. У 1992-1999 йилларда Боғот тумани ҳокимининг биринчи ўринбосари ва Хоразм вилояти ҳокими ўринбосари лавозимларида ишлаган. 1999 йилда президент администрациясига ишга ўтказилган.
2000-2011 йиллар давомида прокуратура органларининг раҳбарлик лавозимларида Бош прокурор ўринбосари, Бош прокуратура ҳузуридаги Департамент бошлиғи, Жиззах ва Бухоро вилоятлари прокурори ловозимларида хизмат қилган.
2011 йилда Хоразм вилояти ҳокимининг биринчи ўринбосари бўлган, 2012 йилда Хоразм вилояти ҳокими лавозимида иш бошлаган.
Изоҳ (0)