Андижон вилоятининг Асака туманида Matiz икки нафар ёш болани уриб юборди. Ҳолат акс этган видео ижтимоий тармоқларда тарқалди.
Вилоят ЙҲХБ матбуот хизматининг маълум қилишича, ЙТҲ Асака тумани “Юксалиш” МФЙ ҳудудидан ўтган Д-105Э Асака—Ҳумо автомобиль йўлининг 2-километрида юз берган.
1981 йилда туғилган ҳайдовчи А.О. Matiz’ни бошқариб кетаётган вақтида йўлнинг белгиланмаган қисмидан кесиб ўтаётган икки нафар болани уриб юборган. Тан жароҳати олган болалар Асака туман тиббиёт бирлашмасига юборилиб, биринчи тиббий ёрдам кўрсатилгандан сўнг шифохонадан жавоб берилган.
Мазкур ҳолат юзасидан Асака тумани ИИБ ЙҲХГ ходимлари томонидан дастлабки суриштирув ишлари олиб борилмоқда.
Йил бошидан буён болалар билан боғлиқ ЙТҲлар
2025 йил январида Сурхондарёда Damas 8 ёшли болани уриб юборганди. Февраль ойида Термизда Nexia “пешеход”дан ўтаётган 8 ёшли болани уриб юбориб, унинг ўлимига сабабчи бўлди. Ўша ойда Тошкентда 10 ёшли болани Nexia-3 уриб юборди. Самарқандда Lacetti дарахтга бориб урилиши оқибатида 11-синф ўқувчиси вафот этди. Март ойида Тошкентда 17 ёшли бола икки нафар пиёдани уриб юборди.
Изоҳ (0)